“Sonra da oturub pullar ayıracağıq ki...” “Artsax” adlandırdıqları ...

“Sonra da oturub pullar ayıracağıq ki...” “Artsax” adlandırdıqları ...


“Ermənilərin qondarma “Artsax” adlandırdıqları ərazidə aparılan müharibəyə həsr olunan (yəni bizim 44 günlük Qələbə savaşımıza aid) “Gate to Heaven” (“Cənnətə qapı”) adlı filmi Ontario Beynəlxalq Film Festivalında 4 nüfuzlu mükafatdan birini qazanıb”.

TTVXEBER.COM-un xəbərinə görə, bu barədə deputat Fazil Mustafa məlumat verib.

F.Mustafa bildirib ki, Azərbaycanda isə baş qarışıqdır, kino sahəsində fəxri adı olmayanların axtarışı gedir: “Yəni, kino çəkdin- çəkmədin, hamının mütləq fəxri adı olmalıdır. “Tərəqqi” medalı da öz yerində. Bilmirəm, beynəlxalq arenaya çıxarmaq istədiyimiz 44 savaşın gerçəklərini, xüsusilə də Gəncədə, Bərdədə, Tərtərdə mülki əhalinin qətl edilməsini hansısa filmdə əks etdirmişikmi və haçansa bunu dünyaya çıxaracağıqmı? Hər halda bu sahədə ermənilərin geniş iş apardıqları ortadadır. Tədbirlər, bayramlar, fişənglər öz yerində, bu kimi vacib sahələrə də diqqət yetirmək lazımdır. İlk başdan kim təbliğatda üstələdisə, prosesi də o yönəldəcək. Sonra da oturub pullar ayıracağıq ki, necə edək bu filmləri ayrı-ayrı ölkələrdə ekranlardan yığışdıraq. Ən doğru yol keyfiyyətli alternativləri yaratmaq yoludur. Televiziyalarda da olduğu kimi kinoda da işi sahiblərinə tapşırmadıqca, hamının başı sənətdə xırda piştaxtaları işlətməyə qarışacaq. Söhbət son illərdəki teleseriallarımıza bənzər yerli mallardan getmir, dünya səviyyəsinə və parametrlərinə uyğun gələn filmlərin yaradılmasından gedir”.
konkret.az

SAYTDA REKLAM YERLƏŞDİR
TTV XƏBƏR - Azerbaycan Xeberleri
Daha yeni Daha eski
REKLAMI BAĞLA